 |
Questa pagina a no l'è stæta corretta. | |
Reg. - A l’è brùtta, o sò mi ascì,
Ma no gh’è da spaximäse
E da cianze e da despeäse,
Da scappä de chì e de lì
Pe fä nasce confûxon.
Catt. - Scinn-a chì sciä l’ha raxon.
Reg. - Ciû se fäva ramaddan,
Ciû se fäva do raväxo
A-o spuntâ de quarche cäxo,
Lê, a la cheìta e sotto man,
Tanto ciù o l’incrudelîva,
Catt. - E de donde o ne vegnîva?
Reg. - O vegnîva da-o Tonkin
Co-a sò faccia giana e scûa,
De brûttiscima figûa,
De vermetti tûtto pin,
Denti streiti, nervi stiæ,
Euggi languidi e infossæ,
Catt. - Ma chi diascoa l’ha portôu?
Reg. - I françeixi là dä Chinn-a,
E con l’aia chi camminn-a
A Marseggia o s’è affermôu
Doppo a gîta de Tolon,
Donde a spûssa ghe n’è ancon.
