 |
Questa pagina a no l'è stæta corretta. | |
Ne-a tettöia dell’arrivo
Han poi fæto de baracche
Che pe creddise a ûnn-a fëa
Manca solo e pëgoe ee vacche:
Çertamente, bell’idea
Dëve fâse o föestê
Arrivôu ne-a gran Çittæ
Che sûperba vêuan ciammâ...
Ammiæ ûn pö Tûrin, Milan
Se coscì a Stradda ferrâ
A trascûra comme noî?
Eppù quelle no ghe dan
Ciù guadagno ä fin de l’anno.
Ma i Zeneixi son beduin....
Fan do sciäto pe ûn momento,
Lascian perde poi con danno
O decoro da Çittæ,
Tûtto pe-a tranquillitæ!
