 |
Questa pagina a no l'è stæta corretta. | |
6
E o cöre in t’ûn bosco
Con l’arma fatâle,
O çerca o ciù fosco
Pe-o scöpo fatâle,
E a-o triste reciocco
Do crïo dell’allocco,
In bocca - o l’imbrocca...
Ma o colpo o no và.
7
Se sparo, me sciorte,
Me schitta a çervella...
Çerchemmo ûnn-a morte
Ciù blanda ciù bælla...
Che a salve e mæ forme,
E a seggie conforme
A-o fæto — ch’è stæto
Origine a-o mâ!
8
Scegliemòse quella
Da lenta asfissïa;
Pe-a morte ciù bælla
L'ho sempre sentïa...
Se piggia ûn tannon
C'ûn pö de carbon,
E senza — violenza
Se lascia scuggiä!
