 |
Questa pagina a no l'è stæta corretta. | |
9
— Ma Giacobbe, ti ti ë matto,
Se te daggo a mæ parolla...
— Ninte, ninte a nisciûn patto,
No se cëde e no se molla
Fêua dinæ, se dunque in töre,
— Te o prometto in sce o mæ onöre
— Ma che onô che onô d’Egitto,
No conosc[i]o che i dinæ,
No ghe prestan manco ûn citto
Sce sto zobbo d'onestæ!
10
— Ah canaggia d'isdraælîta
Ti m'offendi in sce l'onô?
Se ti a passi coscì drîta
Dimme sûbito brutô. [—]
Senza azzunze ûnn-a parolla
O l'agguanta ûnn-a pistolla,
O dà ä porta ûn doppio gïo,
Mentre l'ätro, che o no sà
A raxon de sto regïo,
O stà a vedde cöse o fà.
