 |
Questa pagina a no l'è stæta corretta. | |
18
Bello vedde a sciä Trillettí
Che attastandose i pendin
A se fâva di segnetti
Co-a poetessa ogni pittin
Comme a dïghe: Sciä Gnæ-gnæ,
Qnelli boin l’ho'zà impegnæ....
19
Tra o parlä mëzo barbotto
E l'alzä di êuggi a-o çê,
Ghe cacciavan lì o cappotto
I garzoin da perrûcchê;
E mì (pöveo sciö Reginn-a!)
Ghe cacciäva lì a marscinn-a.
20
Finalmente o sciö Paoletto,
Chi ëa zà sazio de bûrlä,
O cacciâva lì ûn biggetto
Da çinqnanta pe pagä
Quello conto esagerôu
Chì n’ha tanto spaventôu
21
Poi sciortindo d'in ta grotta
In tramvai semmo montæ
Donde, comme l'ätra votta
M’accostavo ä sciä Gna-gnæ
Pe poeì fä mëza pizaggia
E scacciâme ûn pö de raggia.
