 |
Questa pagina a no l'è stæta corretta. | |
27
Affermæ da-o monnmento
Ch’innalzavan a-o paizan
Che do Milleçinqueçento
Mentre o l’aìva a sappa in man
O s’è visto comparîghe
A Madonna in mëzo a-e fighe;
28
Mille sacre cansonette
Se metteìvan a cantâ
Mentre i ätri co-e trombette
De cavata destonnâ
Tûtte e bële v’allighïvan,
Pe no dî che v’insordïvan.
29
E lasciû o beäto Pareto
Da-o marmæsco pedestallo
Co-a camïxa aværta in pëto
E a berretta da camallo
Paìva dighe: o gente lûcca,
Se voeì beíve chì g’ho a sûcca!..
30
Ve confesso, cäi lettoî
Che di punti pittoreschi
Pêuan dipinzive i pittoî,
Ma di punti coscì freschi
Coscì ricchi de poexïa
No n’inventa a fantaxïa.
