 |
Questa pagina a no l'è stæta corretta. | |
96.
E fra re condizjoin ciù prinsipæ
che rendan grat'a Dio un personà
segondo ne o Vangelio è decciaà
l'é (come tutti san) ra chajtæ
Questa ne o cœu dro Ducca a raddichæ
re reize; che a strepala saà da fà
tanto ciú che ghe zœuuga o nattuuà
no l'arte, no ri stenti mendichæ
Ro san e l'unna e l'attra dre rivêe
e quella de levante in prinsipà
s[']o gh[']à lasciaò dinæ, s'en cose vêe
E tutto questo per poejli annimà
segondo ri sò fin e re sò idêe
da ro Ducca che l'è da Geneà.
