Pagina:Libeazion.djvu/180

Da Wikivivàgna


92.
E za che semmo a e cannevve arrivæ
prima che sere o crocho; a e pallizzate
ve menno un pò con mi a fà passagiate
per vedde Fratti e Prêj ben ormezæ

Zoveni e vegi e d'ogni quallitæ
con bocca bussa senza fà ciazzate
ri vejvi da i rastelli a quelle intrate
ra sœu guardia montá con proprietæ

E questo l'ea dovuo dovejse fà
conservase a pellizza per a stæ
se no ri becchafighi avjeian da fà

Tanto ciú che davej s'ean zuuæ
quelli schavizzi; se ghe resce intrà
azzebibali tutti con xciablæ.