 |
Questa pagina a no l'è stæta corretta. | |
30
Ro Governo, e ro Senato
Con ri voti han decretaò,
Che a qualunque Magistrato,
Per Magnifico ciamaò
Sæ ro grande Castellin,
Ro terrô dri Algerin.
31
Han ri mæximi Collegi
Regalaò de monizion,
Con quarch'atri privilegi
De comando, e de baston
Ro famoso Castellin
Ro spavento dri Algerin.
32
Non me scordo ro Tenente (9)
Comandante i Granatê
De Paraxo, che valente
O fè ben ro sò mestê
Combattendo ri Algerin
Con ro bravo Castellin.
33
De sta celebre vittoria,
A ri figgi dri figgiœu
Che ne reste ra memoria
Fin a tanto che se pœu
Viva viva Castellin
Ro flagello dri Algerin.
Liveræga
.
