Pagina:Lûnäio zeneize 1932.djvu/80

IN TRENO

'Na scignorinn-a, döî zoënotti e ûn vëgio
drento a ûn scompartimento de vagon,
çercavan de arrangiäse a-a bella e a-a mëgio
pe sciaccaghe ûn sœunnetto bello, e bon;

ma scì, drento a ûn vagon de ferrovia
se voeì dormî ûn pittin, comme poeì fâ?
e l'è finïo, coscì, che a compagnia
invece de dormî a stava addesciâ.

O vëgio o voeìva fâ da spiritoso,
i döî mascci se ammiävan tra de lô
mentre a figgia a bäggiäva d'arrescoso.

Ma l'ätro o continuäva... e ve o creddei
invece de disträili e fäli rie
o i ha fæti dormî pe dindavveì!

Seí de Pëgi quæ o l'è o posto ciù bello
in riva a-o mâ, dove se ghe sta ben?
ve o dïô mi: O ristorante do Castello
dove seí çerti che ve trattan ben,
sensa contà che o l'ha a specialitæ
de frizze i pesci, appenn-a son pescæ,
e fäne ascì ûnn-a sûppa, caï amixi,
che se a mangiæ, v'eí da leccâ i barbixi.