 |
Questa pagina a no l'è stæta corretta. | |
Sciù, stæ allegri, cai Fradelli,
Destrighæve, cose fæ?
L’ê vegnûo perscin-na î morti,
Ch'ên a Foxe assotteræ,
Pe' sto giorno de gran sciallo,
De gran festa e de piaxei,
E pe restâ mävegiæ
De grandezze de Foxin-ne,
E de voî San Giacomin,
Che fra tutti aoa brillæ,
Che sei lì, e pä che parlæ,
In to mezo di nemixi,
E voî intanto ve ne riei,
E o cavallo tanto ardìo,
Che pä giusto che infuriôu
O se i sbranne in t’un asbrio.
Ma aoa mi donde m'avanzo?
L’ê impossibile o poei dî
Cose han fæto de grandezze,
Roba proprio da stordî.
Ma.... chi veddo?... Fræ Gioxeppe,
Cao amigo, cose fæ?
Sei voi asci di nostri Fræ?
