 |
Questa pagina a no l'è stæta corretta. | |
2.
Sò ben che savei ben rà lengua tosca
Perche sei savia, spiritosa e accorta
Se ben ciù storbia, e da capì ciù fosca
A ve ven d'onde seì fin da stà porta;
Mà à mì me sata à divera uña mosca
De serta ambition chì nò comporta
Per voì, per ì vexin per chi ghe passa,
Che imprende versi per cantà in Ciassa.
3.
Se cantasse un toscan quarche la<m>enti
Crereiva ogn'un che foissan stantie trete
D'intr'un libero in stampa, ò veram<ente>
Da un'atro, ò per mì da un'atro fete:
Usanza de cuoè finti, anzi da fuoenti
A' chi rà bocca ancon ghe sà de lete
Che voeggian fà drò musico e nò spende
Ciù per fasse sentì, che fasse intende.
