 |
Questa pagina a no l'è stæta corretta. | |
Brindixi improvvisôu
Viva i Fratti d'Oeginn-a e chi i proteze!
Sferaggiö fin ch'aviö bocca da parlâ;
Viva Françesco chi g'ha dæto a leze,
E morte a quanti ghe dexidean mâ!
Viva chi é bravo assæ, chi no sa leze,
Viva Fræ Pëo, Fræ Giûlio e Fræ Pasquâ!
Viva chi é san, chi in pê no se pêu reze,
Viva chi ha preparôu questo Disnâ!
Vegnï a mezo, Lettoî, Meistri, Guardien,
Provinçiæ, Cuxinê, Cantoî, Vicäi,
Predicatoî, Novizii e Secresten;
Sciortï, Laichi, ciocchæ cassaole e casse;
Ah sciortï tûtti che ve digghe brai!
E che v' impe de baxi e che v'abbrasse.
