 |
Questa pagina a no l'è stæta corretta. | |
Ti non ê mai
Stæto guerriero,
Vatte a fa* leze,
Brûtto Espartero.
Se ghe portavan
Di stivalin
Che voessan pesse
De marocchin:
O l'é ûn pö caeto,
O rispondeiva,
Ma o chinniä presto,
E o se ne rieiva;
Tangeri Tangeri!
Ti l'hæ piggiâ,
Ciù nisciûn Tûrco
Vivo restiä,
E tûtta a pelle
Di Marocchin
Me a veddiö forse
Chì in sciö banchin.
Con questi voli
O stava di ôe
Comme ûn gardetto
Chi se demôe,
Sensa fâ ninte,
Riendo, cantando,
E de gren cose
Immaginando,
