 |
Questa pagina a no l'è stæta corretta. | |
— 44 —
Comme porta a zoventù.
No se tratta de mangiâ,
Ni de beive, ma d'andâ
A Stamilla in sce duî pê,
Senza giascio, ciù inderrê.
S'applaudisce, se camminn-a,
In te quanto? in t'ûnn'oettinn-a
Arrivemmo, domandemmo,
S'informemmo, ritrovemmo...
Semmo in Gexa... fêua picchette,
Fêua piccoin, martelli, ascette,
E infiammæ d'ûn sant'ardô
Se derrûa l'artâ maggiô. —
Säta a mezo ûn fratte secco,
Giano e tiôu comme o Sciô Checco,
Eh birbanti animo! o crïa,
Fêua de chì, subito via,
Maifabeni, laddri, e intanto
Sciorte fêua dall'atro canto
C'ûn scösâ tento de fûmme
Un frattin cö moccalûmme;
Dall'insemme l'ho piggiôu
Pe ûn novizio, e n'ho sbagliôu,
Perch'o l'aiva a testa rionda
Comme ûn euvo, e tûtta monda.
Sto tömetto de frattin
O l'acciappa ûn sûnaggin,
O no parla e däi!.... ven zù
Tûtti i fratti che l'ëa sciù:
Chi portava unn-a spassoïa,
