 |
Questa pagina a no l'è stæta corretta. | |
— 115 —
I gren Zeneixi
Che chì scappavan,
E paeivan vivi
Perchè parlavan?
Ciavaen, son queste
Cose che seì;
O vostro scampo
A chi o doveì?
A-a sorte, a-e mûägie,
A quarche Forte?
Chì intræ per tûtto
Fêua che da-e porte,
E guardie, i Forti
No son servii,
De mûägie a Zena
Ghe n'é treì gii,
E intanto o morbo
Dell'Indostan
O g'ha sapûo
Ben toccâ a man.
Ve o là o Potente
Chi ha preservôu
Ciävai da questo
Morbo arraggiôu,
Senza l'aggiûtto
Do Crocifisso
Anche per Ciävai
O l'ëa un pastisso.
