 |
Questa pagina a no l'è stæta corretta. | |
caza soa e pöa o ge dè lo lögo lo qua o g'ave promisso, e tuto o ge lo fè a le so propie speize; e da quello iorno in sa o devegne paire e deffendao speciâ de frai Bernardo e de li söij conpagni.
E frai Bernardo, per la santa conversaciom, incomenssà de esse monto honorao da la gente in tanto che beao se tegniva chi lo poiva tochâ. E quello como vero servo de Xe. e de l'umille Fracescho, temando che lo onô de lo mondo non inpaihasse la salvaciom de l'anima soa, si se partì um di e tornà a san Fracescho e dissege cossì: "Paire lo lögo è rente la citae de Bologna; per che mdan mandage de li frai chi lo mantegnem e chi ge stagem, perssochè non ge fasso pu fruto, anti per lo tropo honô chi m'era faito, e' temo che non ge perdesse pu che non ge goagnereiva." Alaora san Francescho odando ogni cossa de quello che ge dixeiva frai Bernardo, e quello che Dee avea faito per frai Bernardo, regracià Dee, lo qua incomenssava a dillatâ li poveri dissipori de Xe.; alaora san Francescho mandà de li söi conpagni a Bologna e li quai preizem monti lögi in Bollogna e in diversse parte.
A lozo e a gloria de lo nostro Segnô messê Ihu. Xe. e de lo umille so servo messê san Francescho.
6.
Frai Bernardo era de tanta santitae de che san Francescho ge ne portava grande reverencia e spessa vota ello lo odiva*. E um di e Francescho seando in oraciom, si ge fo revellao da Dee de frai Bernardo, che per divina promissiom o devea sostegnî monte forte batage da lo demonio; de che san Francescho, habiando grande conpassiom de lo dito frai Bernardo, lo qua lo amava como figo, per che o se misse a orare[sic] con lagreme, pregando Dee per ello e arecomandandollo a messê Ihu. Xe. che o ge devesse dâ vitoria contra lo demonio. E Francescho orando cossì devotamenti, Dee ge disse um di: "Francescho non temi, perssochè de tute le tentacioim che frai Bernardo dè esse conbatuo, se sum premisse de Dee a exercicio de vertue e coroña de merito, e finarmenti de tuti li inimixi e' l'averà vitoria, per che o g'è um de li comisarei* de Dee". De la qua reposta san Francescho n'ave grandissima alegressa e regraciàne Dee. E da quella ora avanti o ge portava senper mao amô e reverencia.
E bem lo mostrà non soramenti in la soa vita, ma eciamdee in la soa morte, a modo che fè quello santo patriacha[sic] Jacob, e stagandoge de intorno li dolenti* figolli dolenti e lagremoxi de la partenssa de cossì amaber paire, e' disse: "Unde è lo mê primogenito? Vegni a mi figör, avanti che e' möra e che e' te possa benixî". Alaora frai Bernardo disse in secreto a frai Ellia, lo qua era Vicario de l'Ordem: "Paire va da la banda drita de lo santo asochè o te benixe". E metandosse frai Ellia da la banda drita, e san Fracescho, lo qua avea perdua la vista per tropo pianze, si misse la man drita sum la testa de frai Ellia e disse: "Questa non è la testa de lo mi[sic] primogenito frai Bernardo". Alaora frai Bernardo ze a ello da la banda senestra. Alaora san Francescho assà le brasse e missele in croze[sic] e misse la man drita sum la testa de frai Bernardo e la senestra sum quella de frai Ellia e disse a frai Bernardo: "Benîxete lo Paire de lo nostro Segnor messê Ihu. Xe. in tute le benissioim sprituae e celestiae, cossì como tu ê lo primogenito elleto in questo santo Ordem a dâ exenplio evangellicho a servî Xe. in la vangellicha povertae, inpersochè non soramenti tu deisti e distribuisti lo to in terra liberamenti, ma eciamdee te deisti a l'Ordem in sacrifficio de toa vita.* Adoncha beneito sei-to da lo nostro Segnô messê Ihu. Xe. e cossì da mi povero so servo de benissiom eterna andando, stagando, vegando, dromiando, mangando, bevando e moriando e orando, e chi te benixe sea pin de benissioim, e chi te marixa non romagna sensa puniciom. Sei doncha lo principâ de li töi fraelli e a lo to comandamento tuti li frai obeissem, e abi licencia de reseive in questo Ordem tuti quelli chi te piaxem, e cossì de cassâ tuti quelli che ti vorai, e che nissum frai abia segnoria sorve de ti, e seate licito de andâ e stâ in ogni lögo unde te parà a ti." Or depoî la morte de san Francescho, li frai adoravam e reverivam frai Bernardo como venerabille paire. E vegando a morte, o vegne a ello monti frai de diversse parte de lo mondo, inter li quai vegne quello verafficho* e divim frai Egidio, lo qua vegando frai Bernardo, con grande alegressa disse: "Sursum corda". E frai Bernardo disse secretamenti a um frai che perstamenti[sic] e' aparegassem um lögo a frai Egidio lo qua fosse ato a contenplâ, e cossì fo faito. E seando frai Bernardo a l'urtimo de la morte, si fè vegnî tuti li frai chi eram lì per vorege[sic] parllâ, e a li quai o disse: "Carissimi frai, e' non ve vögo dî monte parolle, ma soramenti che voi devei considerâ che lo stao de la Relegiom che o avoto, voi lo avei, e questo che o avora, voi lo averei anchora. E' trövo questo in l'anima mea, che per mille modi e grai* a questo non voreiva non avei servio a lo nostro Segnor messê Ihu. Xe. E si me ge achuzo de ogni offeiza che ge o mai faito, seando in corpa a lo mê Salvao messê Ihu. Xe. e a voi. Mei frai e' si ve prego che ve amai inseme". E depoî queste parolle monti boin ameistramenti ge dè, e pöa o se misse sum lo leto e la soa fassa devegne splendente otra modo, de che tuti li frai se maravegàm fortementi; e in quella alegressa la soa anima santissima, coronâ de gloria, passà de questa prezente vita e zè a la vita beâ de li Angeri.
A lozo e a gloria de lo nostro Segnô messê Ihu. Xe. e de la soa Maire e de lo gloriozissimo povero so servo messê san Francescho.
7.
Lo i veraxe servo umillissimo messê san Francescho, perssochè in serte cosse quaxi che o fo um atro Xe., e daito a lo mondo per sarvaciom de la gente, e Dee Paire in monti ati lo vosse fâ semegeive a Xe., cossì como se demostrà in lo venerabille misterio de le sacrastimate e in lo contunio zozum de la sana[sic] Quareizema, in la qua o fè in questo mondo.*
E seando san Francescho una vota lo di de Carllevâ in lo lögo de Proihita*, in caza de um so devoto con lo qua e' l'avea abregao la nöte, o fo inspirao che o devesse andâ a fâ la Quareizema in una izora de lo dito lögo de che san Francescho pregà questo so devoto che per lo amô de Xe. che o lo portasse con la soa barcha in una izora de lo lögo* unde non abite nissum, e che questo o fosse la nöte
