 |
Questa pagina a no l'è stæta corretta. | |
e vögio avanti pregâ a Dee che o fassa prospicio lo nostro camin de quella nober prea* de che noi pensemo pigâ a lo mondo, e piaxe a Xe. de concentilla a noi poveri e debelli, per la vertue de la soa santissima passiom". E dito questo, o ze a fâ l'oraciom in um lögo unde o poiva esse visto da lo dito homo, e como piaxè a Dee goardando lo dito homo in sà e in là, e' l'ave visto san Francescho stâ devotamenti in oraciom davanti a Xe., lo qua con grande caritae e iharitae ge era aparsuo in la dita oraciom e stava davanti a ello; e in questo stâ cossì o veiva san Francescho levao da terra e stâ per um gram spacio corporamenti. Per la qua cossa o fo tochao e inspirao da Dee de devei lassâ lo mondo, si che deprezente ello inssì föra de lo so paraxo e in frevô de sprito o corsse inver san Francescho, e zonsse a ello, lo qua stava in oraciom, e se ge inzenogà a li pê, e con grande instancia e devocio[sic] o ge requeze che ge piaxesse de reseivello a fâ penetencia con ello. Alaora san Francescho vi che la soa oraciom era stâ exaudia da Dee, de quello che o dexirava per quello gentiromo, che quello gentiromo demandava con grande instancia. Alaora san Francescho se levà suza pi[sic] de sprito e de alegressa e abrassà questo devotamenti e regracià Dee, chi lo avea faito cresse de um cossì faito cavarê in la soa conpagnia. E quello gentiromo dixeiva a san Francescho: "Paire mê, che me comandi-tu che e' fassa? Ve-te che e' sum aparegao a lo to comando e a dâ a li poveri tuto quello che poseo e seguî conteigo Xe., cossì descaregao de ogni cossa tenporâ." E cossì fè, che secondo lo consego de san Francescho, ello distribuì tuto quello che o poseiva a li poveri e intrà in la religiom, e vivè in grande penetencia e santitae de vita e conversaciom honesta.
A lozo e a gloria de messê Ihu. Xe. e de la soa Maire.
38.
Stagando una vota san Francescho e frai Ellia inseme in um monestero[sic] o fo revllao[sic] da Dee a san Francescho che frai Ellia era danao e che o devea insî de l'Ordem e finarmenti che o devea morî föra de l'Ordem. Per la qua cossa san Francescho se ne pigià grande malanconia, in tanto che o non ge poiva sofferî de parllâ ni de converssâ con ello; e quando o veiva che alchuna vota frai Ellia zeisse inver ello, ello canbiava la via asochè o non se trovasse con lê. De che frai Ellia se incomenssà de acorze che san Francescho avea despiaxei de ello; unde vogiando savei la caxom, un[sic] di ello se acostà a san Francescho per parllage e san Francescho schivandolo si lo retegne frai Ellia per forssa corteizementi e pregallo discretamenti che ge piaxesse de dî la caxom per che o schivava cossì la soa conpagnia e lo parllâ conseigo. E san Francescho ge disse: "La caxom è questa, persochè o m'è staito revellao da Dee che ti, per le toe peccae, te dei levâ de l'Ordem, e anchora Dee m'a revellao che tu ê danao." E frai Ellia, odando questo, si disse cossì: "Paire mê reverendo, e' te prego per lo amô de Xe., che per questo tu non me vögi schivâ ni deschassâ da ti; ma como bon pastô de Xe. retorna* a reseive la toa pegora chi perisse, se ti non l'aij; e prega Dee per mi che, se se po che la soa centencia revoche la mea danaciom; perochè se tröva scripto che Dee changia la centencia se l'omo peccao se amenda de lo so peccao; e mi o tanta fe in le toe oracioin, che se fosse in mezo de lo infferno e ti feissi oraciom per mi, che centireiva quarche refigerio; unde e' te prego anchora che como peccao ti me arecomandi a Dee, lo qua vegne in lo mondo per sarvaciom de li peccoi, e che ello me reseive a la soa mizericordia." E questo dixea frai Ellia con grande contriciom de lagreme; de che san Francescho como pietozo e bon pastô e paire, si ge promisse de pregâ Dee per ello; e cossi fè.
E pregando devotamenti Dee per ello, ave per revelaciom che la soa oraciom era exaudia quanta a la revochaciom de la centencia de la danaciom de frai Ellia, che finarmenti o non sarea danao, ma certamenti che ello insirea de l'Ordem e för de l'Ordem [morrebbe]. E cossì fo; inperochè revelandosse* da la Zexia Freirigo ree de Seceiria e seando scominigao da lo Papa ello e chi ge deisse aitorio ni consego; e frai Ellia, lo qua era reputao um de li pu savij homi de lo mondo, e seando demandao da lo dito ree Freirigo, lo qua ge ze e fo rebello de la Zexia e inssì de l'Ordem; per la qua cossa ello fo scominigao da lo Papa e privao de l'Ordem de san Francescho. E seando cossì scominigao, o s'amarotì grevementi; de la qua marotia odando um so frai laicho, lo qua era in l'Ordem e era bom frai e de bona e honesta vita, si lo ze a vexitâ, e inter le atre parolle o ge disse: "Fraello mê carissimo, e' me dögio asai che ti sei scominigao e föra de l'Ordem, e che tu degi cossî morî; ma se ti veissi via o modo che te posse trâ de questo perigo, e' ne pigerea vorentera ogni breiga." Respoze frai Ellia: "Frai, e' non ge vego atra via, salvo che ti vagi a lo Papa e pregage pre lo amor de Xe. e de san Francescho so servo, per li quai ameistramenti e' abandonai lo mondo, che ge piax[sic] de asorveme de la scominiga e che o me rende lo abito de la Relegiom". E questo so fraello ge disse che o s'afatigereiva vorentera per la soa sarvaciom: e partisse da ello e ze a li pê de lo santo paire e pergallo umermenti che o feisse gracia e mizericordia a lo so fraello per lo amor de Xe. e de san Francescho. E como piaxè a Dee lo Papa ge conceè che o se ne tornasse e che, se o trovasse vivo frai Ellia, che o lo feisse asorve de la scominigaciom da soa parte e che o ge torne l'abito. De che questo frai se partì alegro e in grande cointa o se ne tornà a frai Ellia, e trovallo vivo, ma e' l'era in termem de morte, e si lo fè asorve de la scominiga; e metandoge l'abito, frai Ellia passà de questa vita, e l'anima soa fo salva per li meriti de san Francescho e per la soa oraciom, in la qua frai Ellia avea avoto si grande speranssa.
A lozo e a gloria de messê Ihu. Xe. e de la soa Maire.
39.
Lo maravegozo vassello de lo Sprito Santo santo Anthonio de Padua, um de li elleti dissipori de san Francescho, lo qua san Francescho lo ihamava lo so vescho, e una vota pricando in consistorio consistorio davanti a lo Papa e a li Cardenai, in lo qua consistorio se ge trovà homi de diverse nassioim,
