 |
Questa pagina a no l'è stæta corretta. | |
E de tanti, ch’o n’aveiva,
Manco l’Aze o[1] diffendeiva,
Anzi i ciù benefichæ
Diventon nemixi zuæ.
Povea bestia de Cavallo!
Per calunnia cheito in fallo,
No trovando un Gatto, un Can
Chi ghe desse un pö de pan,
O finì per porze a sampa.
Così[2] vedde anchêu chi campa;
Fin che l'Ommo hà di dinæ,
O l'hà amixi in quantitæ,
Se per caxo o ven despeôu,
Scentan tutti, e o l'è schivôu.
A Scimia, o Gatto, e o Spegio.
C’un-na bælla cornixe tutta indoâ,
Pinna d’intaggi fæti zû a feston,
Un-na lûxe de Spegio assæ stimâ,
In t’un salotto a l’ea promê a un barcon,
Dä quæ passando e donne, o belle o brûtte,
Pe' un quarto d’oa se ghe spegiavan tutte;
