 |
Questa pagina a no l'è stæta corretta. | |
Pronunziando sta sentenza:
« Ti Boubou, e ti co-i barbixi,
« Diventiei dui gren nemixi,
« Sempre de osse[1] roziggiei.
Oh voi atri Galantommi,
S’ei qualcosa da spartî,
Aggiûstæve frà de voî
Senza avei da litigâ,
Regordæve do proverbio
Antighissimo, ma giûsto:
« L'è ciù megio un magro aggiûsto,
« Che un-na lite ben guagnâ.[2]
O Gatto, e i Ratti.
Un bello Gatto gianco veo d’Angola,
Amoroso, e paccion,
Pin de frasche e caeson,
Chi stava sempre in scoso da Padron-na,
O sorve un-na potron-na,
Moscio, perchè o mangiava
De cose delichæ,
Beschêuttin, e zunchæ,
Cosichè a-i Ratti a guerra ciù o no fava,
