 |
Questa pagina a no l'è stæta corretta. | |
Chi se vorta ä so vexin-na,
E ghe dixe con raxon:
Dove son tutte e to scioette,
E to amandoe dove son?
Ah! per bacco! che a to gloria
Presto in fûmme a se n’andò,
Ti n’æ manco ciù de fêuggie,
Vegni chì, che te croviò.
Non se deve mai vantâ
D’ese ricco e ben vestïo,
Nè chi è poveo mincionnâ,
Perchè tutto ven da Dio,
Un chi è ricco anchêu, doman
O porrieiva porze a man.
I Chen piccin, e o Lô piccin.
Trovò a caxo un bon Pastô
In t’un bosco un Lô piccin,
Che piggiandolo in errô
Pe' un cagnetto pommelin,
Presto a casa o se o portò,
E con di atri o l’allevò;
