Pagina:Donaver Antologia 1910.pdf/242

Da Wikivivàgna
Sata a-a navegassion Sata a-a serchia


Mi ho l’idea d’ûnn-a fissûa,
Invenzion moderna e mae
D’ese brutta e fâ figûa,
D’andâ savia e fâ o galletto.
(E o mae Pippo o tia o carretto!)

Me diverte i spaximanti
Quando i fasso invexendâ
Quando i veddo a-o cô di guanti,
Giando l’êuggio, regattâ
Tûtti a-o son do me tacchetto.
(E o mae Pippo o tïa o carretto!)

Se e me grazie poi dispenso,
Se me vorto a discorrî,
Çerco sempre o ciù melenso
Per lasciâlo sempre di,
No impegnâme a raxonn-â,
Poeì fâ rode chi me pâ,
Dâghe riendo ûn po o balletto.
(E o mae Pippo o tïa o carretto!)

Cö cangia d’ogni stagion
Perdo a bûscioa da raxon,
E me metto a fâ o pedon
Pe san Lucco e pe san Scî[1]
Tûtte e modde a descrovî
Tutti i prexi a fâme dî,
E i Biggetti[2] me pän zetto.
(E o mae Pippo o tïa o carretto!)

  1. San Luca e S. Siro, due vie di Genova con negozi di moda, specie prima dell'80.
  2. Bizzetti per biglietti di banca, denaro.