 |
Questa pagina a no l'è stæta corretta. | |
Arrecomando assè ri forestè
Homi da ben, viandanti, e Passagè,
Che per vorei de Dè
A lò negotij pe ro Mondo vàn,
E s'a Zena piaxei receveràn,
A noi ro renderàn,
Chi chiù cha y atre gente atorno andemo,
E quasi in ogni Terra nio facemo;
E si y admetteremo,
No digo se no quelli ch'è raxon,
A quarche nostra conversation,
Ch'in re lò terre ancon
Ro mesmo solen fà verso de noi,
E carezzàne, e gran cointo tegnì,
Mi se ben son dri menoì
Ho recevùo da ri Segnoi de Spagna,
E d'Italia, e de Franza, e d'Alamagna
In casa, e a ra campagna
Dre cortesie, e dri favoi assè,
E a re publiche feste, e a re privè
Son steto dri chiamè;
E si in lò Terre honoran noi Zeneisi,
Perche con lò no demo esse corteisi
In ri nostri Pae[i]si?
