 |
Questa pagina a no l'è stæta corretta. | |
No staghemo castelli in ere a fà,
Ma cose chi se pon effettuà
Fin d'aora a ra giornà,
Fra y atre a mè parei sareiva ben
Fà come ri Segnoi Venetien
E y atri Italien,
Chi de grossi ducati batte fan,
E son de questi che per Zena van,
E guagno lò ghe fan,
Che dri chiù grossi batte ne facemo.
E doble, e scui d'argento ghe dighemo,
Se a l'oro y agiustemo,
E a questo mòo faremo come lò,
Acquistandone inseme util'e honò,
Ni ghe pò esse errò,
Ra monea forestera o se ne vaghe,
O a manco prexo se valute, e daghe,
E a quello ferma staghe.
E no ra posse cresce ni carà
Sarvo quelli Segnoi, chi ro den fà,
Per mantegnìra tà:
