 |
Questa pagina a no l'è stæta corretta. | |
Son a casa da pæsta i privilegi,
Ní è ciù tempo de cabale, e carosse,[1]
Per mette figgie a o collo, e fâ de nosse
Con gonzi examinandi da esti Vegi.
Con aîa da ex-Senato, o da ex-Colegi,
Foscia credan frà lô, che ancon se posse,
Fâ tegne a i astamegna a freve in te osse,
E sciù e sœu spalle fâ di tempi megi,
E quæ perucche ancœu, e quæ crovî
Unna sola perucca dexè cûe,
E de famme i sœu fræ vedde moî?
E quæ bagoin? E quæ colli de grûe?
Sen mucchi, comme morti da cuxî,
Che LIBERTÆ gh’ha averto e seportûe.
- ↑ Nome proprio di combriccole, che facevano i Notaj di Collegio per promuovere chi volevano, e maritar le loro figlie.
