 |
Questa pagina a no l'è stæta corretta. | |
o non mancherà de parolla. Però o l'ha rò mæ panno int're moen, e non ro veddo comparî. Farò così: mostrerò d'andâghe à fâ un-na vixita de complimento, e in sta manera vegnirò in cæro de tutto... eh, zà, ro troverò pronto à pagâme ri dinæ, vœuggio piccâ à ra sò porta.. me pâ zà de sentî l'ódô dro bibin!.. Oh de caza.
Pat. (di dentro con voce da ammalato) Sofro... nia, Sofronia.
Ghig. O l'è lê mæximo.
Pat. Sofronia.. arvî, che l'è chì Beneituçço ro garçon dro speçiâ.
Ghig. Beneituçço! garçon dro speçiâ!
Pat. Chi me porta ra ca... ra caxa.
Ghig. Ra caxa? besœugna che ghe sæ qualche marotto! questa me pâ ra sò voxe. Oh de caza. (picchia più forte)
Pat. Cana.. cana.. canagge sprescia sta caxa! Vœutto arvî sta porta?
Ghigermo e Sofronia.
Sof. Ah, sei voî, sciô Ghigermo?
Ghig. Son ro mæximo à servîve, e voî sei ra moggê, se no m'innarro, dro sciô Avvocato Patella.
Sof. A' ri vostri comandi, sciô Ghigermo ga-
