Pagina:Comeddie.DeFranchi.1830.djvu/634

Da Wikivivàgna
ATTO UNICO.


SCENA I.a

Argentin-na, Ghiggiermo.


Arg. Caro sciô Ghiggiermo, me fæ torto con questi vostri dubii. Questa non è a primma votta, che v’agge dæto contrasegni da stim-ma[1], e dell’attaccamento che hò per a vostra person-na.

Ghig. Eì raxon, cara Argentin-na. Ma voî, che sei un-na zovena chi pensa ben, doveresci compatime, se diggo, che un povero vidovo, zà attempaò comme son, dovendose remariâ con un-na zovenotta da vostra etæ, a quæ poreiva rende feliçe un di ciù belli zerbinotti de Zena, çerco de scandagiave un poco in o cœu, primma de ligase con quella caden-na, chi poreiva rendeve infeliçe.

Arg. Ve ringrazio infinitamente da bon-na opinion, che aveì de mi; ma in quanto a compative, sciù questo, scuzæme, che non o devo fâ. Se gh’è diferenza d’etæ[2], a ven

  1. Inte l'ed. do 1781 e m dogge en sostituie da ‛n’emme co-a tirde de d'ato. Chì invece, dæto chi-a ñ l'han desligâ in n-n, han visto ben de mettighe m-m... (G. Musso)
  2. ætæ