 |
Questa pagina a no l'è stæta corretta. | |
ciattælla! ve diggo che quello biforco lì me voeu fâ ballâ per força.
Ger. Per força!
Arg. Sì signor. L’Alemanda.
Ger. (a Tiburzio) Comme! in casa d’atri!
Tib. Monsieur, io vengo di buona parte: e je m’en vais dire Madamoiselle Clariçe, come sono ricevuti in questa maison quelli che sono da lei inviati. (parte).
Ger. (a Diaforio) Fræ caro, comme và quest’intrigo! A sciâ Clariçe....
Diaf. Eh non ghe ciù moddo d’aguantâ. Chi se pœu tegnî se tegne. Quello vegio scarbaçça do sciô Tarquinio o m’ha da sentî. Vœuggio andâ in questo ponto a destapaghe ben ben i oregge, a lê, a sciâ Clariçe, e a quanti troverò in quella caza. (parte)
Arg. (mentre se ne va) Ti me stæ fresco! Vanni, vanni, che ti n'ê ancon a ninte.
Ger. Per atro me ven un pò de scroppolo....
Arg. Cos’è sti scroppoli? Doppo aveì fæto tanto, non ne voresci miga ciantâ chì in sciù a parmæa? se no a finimmo emmo perso o fruto de tutto. Povero vostro nevo, o resta a a desperazion. Andemmo, andemmo a coronâ l’opera.
Ger. Ti ê unna gran Leventonna. Andemmo.
