Pagina:Comeddie.DeFranchi.1830.djvu/514

Da Wikivivàgna

mento. Mi non m'arreizego à comparî davanti a mæ barba. Lascemoghe un poco passâ ra bile; che, comme sarà tempo, tutti d'accordio se ghe porremmo prezentâ. Tiburçio, trattégnite chì, per scrovî, de che umô ti l'averæ trovao; che coscì, ti ne porræ informâ; e quando sarà tempo porremmo presentáseghe (via)

Tib. Me pâ d'avei da passâ ro gorfo lion. Chi sa se ne sciortimmo à salvamento?


SCENA III.
Fabriçio, Tiburçio, Pasquin-na.


Fab. (sostenuto da Pasquina). Addio Tiburçio. Aimè mi, non te poæro un stocchefisce dezossao? non me posso rêze in pê.

Tib. (cerca d'aiutarlo con premura). Ah caro sciô patron! non me credeivo mai ciù de poeive parlâ.

Fab. Tírame in ça ra mæ carrega, che me sento troppo debole. Ho sofferto assæ. Aora sì che diggo che re strinche mollan dro tutto. Ra machina se và desfaçendo; dimme un poco, sonê stæto guæri fœura de sæximo?

Tib. Molto tempo, sciô patron, ma non però tutto quello tempo che se credeivimo che ghe dovessi stâ. Non è da credde ro disordine, l'agitaçion, ro sciaratto, in ro quæ