Pagina:Comeddie.DeFranchi.1830.djvu/461

Da Wikivivàgna
SCENA II.
Pasquin-na, e Detti.


Pasq. L'è chì ch'o ven.

Ort. Mi ve lascio in sò compagnia, e me retiro zù da basso in scagno à scriveghe un biggetto; e voî da canto vostro non manchæ de fâ quello ch'avei promisso.

Ott. Ro premio che ne aspêto, ve pœu assegurâ dre intençioin dro mê cœu, e dre mæ premure (Ort. e Giac. via).


SCENA III.
Pasquin-na, Ottavietto.


Pasq. E voî soffrirei , che vostro barba, in quell'etæ che o l'è, o faççe un matrimonio coscì disuguale, coscì fœura de raxon, e che o ve prive d'un ereditatæ chi doveræ êsse vostra per ogni titolo?

Ott. Ah cara Pasquin-na, son in un grande imbaraçço. Ra mæ lusinga l'è quella, che semmo ancora in stato de poeighe remediâ, mentre pâ che questa cosa vagghe piggiando un'âtra ceiga in mæ favô. Ra sciâ Ortensia s'è cangiâ de sentimento, e a và in questo ponto à scrive un biggetto à mæ barba, per ringraçiâro dra bon-na intençion