 |
Questa pagina a no l'è stæta corretta. | |
SCENA I.a
Pasq. Addio , caro Tiburçio. Che bon-ne nœuve?
Tib. Bon dì, Pasquin-na bella. Te vegno à trovâ da parte dro
sciô Ottavietto mae patron, chi me manda con ansietæ à
savei comme stà sò barba, comme o l'ha passao ra
nœutte.
Pasq. Malamente.
Tib. Meschin! me ne despiaxe. L'è un ommo carrego d'anni
e d'acciacchi, chi çerca ciù che sæ possibile de schivâ ra
morte; e intanto o dà dre bon-ne pappate à ri mêghi e à ri
speçiæ. Pasquin-na, me pâ coscì all'aria, che fra poco
saremmo vestíi de desmúo. Se mæ patron avesse ra
fortun-na d'êsse ro sò erede universale, pagheræ
vorentera re speize dro mortorio.
Pasq. Gh'ho dæto poco fâ un-na purga, che gh'ha ordinao
ro speçiâ Onofrio Fruga, che m'ho credúo ch'a foisse ra
sò urtima,
