 |
Questa pagina a no l'è stæta corretta. | |
van a meistra eran corô de noxe. Aora che son mariæ son gianche comme o papê, e rosse comme e meie rostigœure. Mæ neçça con mæ figgia han piggiao lô ascì a modda, e creddo che aggian consumao o lardo d'un-na dozen-na de porchi. Ogni giorno tanti pê de crastaddo da dâ da mangiâ a quattro servitoî.
Momin-na, Catin-na, Pancrazio.
Mom. Pappà cose scià comanda?
Pancr. (ironicamente). Veramente gh'è necessitæ de fâ continuamente tanta speiza per ingrasciave o mostasso, che de votte parei an-nie inlardæ. Dîme un poco: cose aveio fæto a quelli doî signori, che se ne son andæti via coscì ingrognæ? V'aveivo espressamente comandaò de fâghe bon-na cera, comme a doe person-ne, con e quæ voreivo faghe liga, e se me foîsse riuscio fâ doî matrimonii.
Mom. Oh Pappà caro, che stimma se pœu fâ d'un proçede coscì irregolare de questa sorte de gente?
Cat. Sciô Barba. E quall'è quella figgia, chi se posse accomodâ a piggiâ genio a person-ne de quella fæta?
