Pagina:Comeddie.DeFranchi.1830.djvu/287

Da Wikivivàgna
Sâta a-a navegaçión Sâta a-a çèrchia


Mon. Bezœugna per o sò decoro, e per o vostro, co digghe che o l'ha promisso a questa Zovena con piaxei de tutti.
Arg. E mi per o mæ onô, e per o sò vœuggio co digghe a o contrario.
Mon. Son çerto e seguro co non o farà.
Arg. Ghe o farò fâ per força.
Mon. Ve diggo co non o farà.
Arg. O ro farà, o altrimente o dezerediterò.
Mon. Voî?
Arg. Mi.
Mon. Bon.
Arg. Comme bon?
Mon. Non o dezerediterei.
Arg. Non o dezerediterò?
Mon. Nò.
Arg. Nò?
Mon. Nò.
Arg. Questa sì che l'è graçiosa! Non porrò dezereditâ mæ figgio?
Mon. Ve diggo de no.
Arg. Chi me l'impedirà?
Mon. Voî mæximo.
Arg. Mi.
Mon. Voî non averei cœu.
Arg. L'averò.
Mon. Burlæ.
Arg. No burlo.
Mon. A tenerezza de Poære farà o sò ofiçio.