 |
Questa pagina a no l'è stæta corretta. | |
Arp. Ah, ah, giusto apponto me fæ sovvegnî, che mi assì ho dre cose de premura da comunicâve à tutti doî.
Oraç. Noî âtri vorreivimo parlâve de matrimonio.
Arp. Anzi de matrimonio ho da parlâve mi assì. Dimme un pò, Oraçio, ti conosci ra sciâ Marianna, figgia de quella forestera chi sta chì per contro?
Oraç. Oh l’è zà un peçço che ra conoscio.
Arp. Dimme sccetto ro tò sentimento. Cose te ne pâ de sta figgia?
Oraç. Sciô papà, non se pœu dâ un-na figgia ciù savia, ciù prudente, ciù inzegnosa de lê. A l’è bella, e ben educâ: a l’è un-na coppa d'oro.
Arp. Per un-na casa comme ra nostra a no te pareiva[1] un bon partío?
Oraç. Me pâ de sì! Non ghe n'è ponto de dubbio: un-na manna, un tesoro impagabile.
Arp. Mi ghe trœuvo per âtro ancora un scontro, e o l’è che hò poîra ch’a n’agge guæri de dœutta.
Oraç. Me maraveggio, Signor! Quando se tratta de méttese in caza un-na zovena de sta qualitæ, non se deve guardâ all’interesse.
Arp. Oh, in quanto à questo poi non semmo guæri d'accordo. Ho piaxei per âtro, che ti convegni con mi respetto à re sò qua-
- ↑ parereiva
