 |
Questa pagina a no l'è stæta corretta. | |
CORONA
A NOSTRA SIGNORA.
1.
Sciù l'hora estremma, che nò sò ro quando,
Quando reduto all'ultimo partio
Questo Mondo per mi sarà finio,
Vergine Cara, me v'arrecomando.
Quella gratia; ond'havei tanto comando,
Che m'havei tante votte compartio,
Perche infin ro favo reste compio,
Vergine, fin c'ho sciou, ve ra domando.
E se à lava tant'opere ma fæte,
In cangio de scorri com'un Bezagno,
Questi oeggi han fin à chì serrou re træte;
Oura che vei che fan com'un cavagno,
Lavære (prego) con ro vostro læte,
Vergine, vuoi che sei ro nostro bagno.
