Sciù ra cimma dro Monte appenna sparega
Quella beneita luxe dra mattin,
Gragnorando re pærle, e ri rubin
Pe re conche dri scuoeggi, e sciù per l'arega,
Che con ri oeggi come de bottarega,
Frusti de fa ro verso dro bocchin,
Sciù rà chiazza compa ro tò Ballin,
Che con l'Arba e ro So sempre t'apparega.
Maxinna, oh' che pietæ veiro li stante,
Mentre l'Arba rebatte in ro tò teito,
A stupi qua dri duoi sæ ro Levante.
Intanto aspeta lì con ro cuoe cheito
Che un So se leve, l'atro ghe ro chiante
Per vei quello miracoro beneito.