 |
Questa pagina a no l'è stæta corretta. | |
SCHERSO1
Che regallettin da amixi
Che m’ha fæto o sciô Çiçeon! 2;
Çinque tregge co-i barbixi,
Belle, grosse e de stagion.
Ringraziando a sò bontæ,
Ghe diö comm’i ho mangiæ;
Con Tëxinn-a e i mæ figgiêu.
Ûn pâ a-o piatto han guägno a lite
Contro ûn tondo de raviêu;
Atre due son stæte frite,
E n’han tiôu sciù proprio o chêu.
Scià indovinn-e ûn pö a ciù bella
Comme a l’andò a terminâ?.....
A l'é stæta condannâ
Comme San Loenso... ä grixella...
