Pagina:Chittarin zeneize 1881.djvu/76

Da Wikivivàgna

E mi o prego indegnamente,
Ma de chêu contnuamente,
Comme fa seja e mattin
Fræ Fûlgenzio 2 a-i Cappùççin,[sic]
Ciù che mi sentïo d'in Çê.

Scià gradisce, sciô Michê,
Questi versci d’ûn figgiêu,
Che ghe son sciortii da-o chêu
E o ghe dà quello ch’o pêu;

E Vosciâ scià preghe ascì,
Che scià é tanto bon per mi,
Perchè posse Michelin,
Con l'aggiûtto do Segnô,
In te tûtto fâse önô,
Vegnî degno de sò poin
E aggiûttâ o pappà Martin.