Pagina:Chittarin zeneize 1881.djvu/454

Da Wikivivàgna

Cansoin epitalamiche,
Sûnetti, madrigali,
Idee frïte e refrïte,
Passæ pe originali;

Veneri, Ganimedi,
Amô chi vedde a-o scûo,
A Nice e treççe d’öu
Co-e masche de vellûo;

Êuggi che spiccan frecce,
I labbri de rûbin,
Denti ciù che d’avorio,
E o pëto alabastrin;

Bocca de paradiso....
E tante ätre incredibili
Arcadiche misëie,
Che son vegnûe insoffribili

Per chi ha ûn pö de bon senso,
Né trêuvan ciù lettoî,
O servan de sonnifero
Per chi no pêu dormî.

Ûn bello matrimonio
Succede a Zena anchêu