 |
Questa pagina a no l'è stæta corretta. | |
Se vivesse sêu Maria 2
Crocifissa Comodinn-a,
A creppiæ dall’allegria;
Ma lascemmo sta pedinn-a
Chi no rende che afflizion,
Baste solo a sò memoria
D’onorevole menzion
Pe annunziâ che a gode in gloria...
Me rallegro, sciô Gaitan,3
Da sò gran consolazion,
Ma se poemmo toccâ a man,
Ché mi ascì l’ho zà provâ
Per Fulgenzio, e a prêuvo ancon;
Per Fulgenzio chi é l'antigo
Bon compagno e sccetto amigo
De Françesco secolante,
Aoa nêuvo celebrante.
Ah se avesse dell’Ariosto
L’estro, e l’arpa d’öu do Dante,
Vorriæ dî de cose tante,
Ma Martin no gïa che o rosto;
A mæ Mûsa a l’é meschinn-a
E a fâ tanto non arriva;
Cöse fä dunque Reginn-a?
