Pagina:Chittarin zeneize 1881.djvu/425

Da Wikivivàgna

SÛNETTO 1



Mûse... Apollo... sciortï da-o scapparato,2
Vexin, sciallæve, presto camminæ,
Andæ a vedde a reginn-a de sposæ,
Dixe de scì Nettinn-a anchêu. Che sciato!

A l’é chi lê, retiæve, fæ steccato,
Guardæla ben... Che grazia! Che bontæ!
Che belli êuggi! E o sposôu? Che nobiltæ!
Feliçe ognûn, oh Feliçin beato!

Viva i sposoeì, sbraggemmo, che contenti
Son comme Pasque, e viva a compagnia
Di piaxentin e liguri parenti!

Viva noî, che finiemo l’allegria
(Tremmo de dîlo) in gren magoin e centi
Quando a sposâ da Zena a l’andiä via.