 |
Questa pagina a no l'è stæta corretta. | |
SÛNETTO 1
Ho visto ûn ommo ben comme se dæ,
Sciö gûsto do seiçento ûn pö taggiôu,
Vegnîme per due votte disgûstôu
Per due compagne perse in fresca etæ.
De çinque mascci e d’ûnn-a figgia poæ,
Con lö o viveiva in casa assæ retiôu,
E paeiva che, do mondo desgûstôu.
Pensasse in mæ zûamento a fâse præ 2.
Ma Amô che é sempre amô, gran biricchin,
E che de fâ conquiste gode e scialla,
G’ha fæto vedde ûn giorno a sciâ Majn.
Quest’ommo in veddia o ven comme a farfalla
Chi va da-o lûmme e cazze in to stoppin,
Resta strinôu e fa lì a tersa balla.
