Pagina:Chittarin zeneize 1881.djvu/388

Da Wikivivàgna

Meìse ottavo micidiale
Chi colpiva in generale
Ricchi e pövei, d’ogni etæ,
D’ogni sesso e condizion,
Ne-i tugûrii, case, ûspiæ,
Ne-i palassi e in gexa ancon!

Morbo vëo flagellum Dei
Da fâ cianze finn-a e prie,
E criâ: « Miserere mei,
Parce... parce, Jesu pie! »

Oh terribile memöia,
Brûtta carta de l’istöia
Da atterrî, quando a lezziän,
Tûtti quelli che a scappiän!

Oh che tempi de spavento
E d’angoscia e de tormento
E d’affanni s’è passôu!....

Spaximæ d’ogni momento,
Sempre lì co-a morte ä gôa,
Paeiva ûn secolo mëz’ôa...
Solo o sa chi l’ha provôu.

Se viveiva sensa vive,
Se mangiava sensa pascise,