 |
Questa pagina a no l'è stæta corretta. | |
Spantegando protezion
Pë acquistâ ripûtazion;
Ö creddeivo ûn babbilan,6
No scignore! o l'é ûn savan.
Quello birba de tenente,
Chi possede o gran talento
De fâ stocchi eternamente
E impegnieiva o reggimento,
Che o l'è stæto per trè votte
Ricusôu da-e armi dotte,
Leccardon e baxaman,
Ti o creddiesci?... o l’è ûn savan!
E quell'ätro ciacciaron,
Professô de chirûrgia,
Manco a fâ ûn inciastro bon,
Levâ sangue sensa puïa,
Fâ ûn cautëio, manco mette
Lavativi, né sanguette,
O parrieiva ûn ciarlattan?...
No scignore! o l’è ûn savan!
Quello mëgo da perrûcche,
Chi vêu fâ vegnî o calô
Con mangiâ sempre de sûcche,
Di spinassi e do cöu-sciô,7
