Pagina:Chittarin zeneize 1881.djvu/336

Da Wikivivàgna

Con fâ e stradde accomodâ
E poi fâle ben spassâ,
Perché tanto i rûmentæ
Co-i carrettti[sic] son paghæ.

E per fâ ûnn-a cösa degna
Da famosa antiga insegna,7
Gran trofeo che i nostri antighi
Han piggiôu a-i sò nemighi,
Vêuggio dî, do lion co-i äe
Ch’o sta appeiso lì da ûn canto
Sorve a gëxa, che l’é tanto
Che o no vedde ätro che päe 8
E che minn-e 9 passeggiâ,
Se dovieiva ûn pö astregâ
Con di marmi e prïe eleganti,
E magara lastre andanti,
A gran stradda cö ciassâ.

Ne restieiva ognûn contento
E o sæ ûn gran provvedimento
Pe-i meschin pövei camalli,
Che no son axi o cavalli;
Illûstriscimi scignoî,
Ma son ommi comme noi
Che continuamente stentan
E per mangiâ s’impolentan;