Pagina:Chittarin zeneize 1881.djvu/334

Da Wikivivàgna

Se ghe piggia puntapê 3
Da nissâseghe o p...,
Perchè son tûtte fossette,
Montechinn-a, montagnette
Da fâ cazzighe i figgiêu,
Astreghæ con di rissêu
Mâ ciantæ, longhi appissûi
Che in ciû lêughi pän agûi!

Quando è tempo de maccaja,4
Che pastisso e che porcaja!.....
Tanta bratta se gh’ammûggia
Che, chi va forte, se scûggia
E, chi va cianin, se rèsta
Inciastræ che se pä a pèsta.

Quando sciûscia a tramontann-a
Se ghe scûggia ancon ciù mëgio
Che in sce-e scorse de bazann-a...

Pe-i figgiêu e pe-o pöveo vëgio
Co-a podraga, co-i brignoin
O co-i calli, son ciù boin
Che non è a sarmoïa 5 pe-a sæ.
Quando ciêuve forte assæ
Da San Marco gh’é ûn Bezagno,
E e bûtteghe van a bagno....