 |
Questa pagina a no l'è stæta corretta. | |
Me sovvegnì quello pan
Che vanteì per marsapan...
Tante cose... e o mæ biggetto
Che l'indoava in portoglian... 2
Me n’andeì da-a raggia in letto,
M’addormii, e ûn sêunno ho fæto
Chi m’ha propio stuppefæto,
E ve o vêuggio giûsto dî;
O l'é questo, stæ a sentî:
L’ëa o giorno de Natale,
E me paeiva tale quale
D’ëse in casa ove stæ voî;
Da ûnn-a porta lì depuî
Ve veddeivo che disnavi,
Che mangiavi e v’imbriægavi,
Poæ, mammà, moggê e figgiêu,
Finn-a due de vostre sêu.
Quando in töa veddo portôu
O mæ pan che v’ho mandôu;
Stesci in pê,3 ne retaggiasci
Un tocchetto e l’assazzasci
E ne desci a questo e a quello;
(Stæ a sentî che ven o bello)
Criasci poi forte arraggiôu,
Giäno, fûto,4 stralûnôu:
