 |
Questa pagina a no l'è stæta corretta. | |
Poi a roba lunga a stanca:
Coscì vegno all’arma gianca
Per fini ciû presto et illico.
Viva, sbraggio, i sacerdoti
Che han a messa celebrôu
Co-i sò accoliti divoti!
Viva chi ha in coro cantôu
E chi ha l'organo sûnnôu!
Viva chi ha zà predicôu
E chi ha ancon da predicâ!
Viva chi ha a gëxa apparôu,
E chi ha fæto o bello artâ!
« Quanti lûmmi! quante seje!
» Lampadäi, torce, candeje!...
» Che gëxin! comme o sta ben!
(Sbraggia o popolo chi ven
Da ogni parte in procescion)
» O pâ proprio ûn sô, ûn giardin!
» Che belliscima funzion!
» Comme han fæto i Scappûççin 4
» Ne-a sò grande povertæ,
» A trovâ tanti dinæ?
» A l'é a sò gran divozion
» Per Maria da Concezion
