 |
Questa pagina a no l'è stæta corretta. | |
SÛNETTO 1
Scià se degne gradî, sciô patronetto,
Questi quattorze versci portoglien,2
Che ghe presenta a moddo de massetto
I camê do Caffè di Americhen;
Façile a indovinâse n’é l’oggetto...
Per dâghe e Sante Feste bonn-e ben,
Che ghe e concede allegre o Bambinetto
C’ûn Bon Prinçipio e Fin d’anno che ven.
Son questi i voti che de chêu ghe femmo
Pregandolo a vegnî in gran compagnia
Seja e mattin, ché noi ghe promettemmo
De dâghe da tûtt’ôe roba milïa,3
Per capära a bûscioetta 4 ghe mostremmo,
E a ricompensa a sä a sò cortexia.
