 |
Questa pagina a no l'è stæta corretta. | |
A barbesca comitiva
Con l’imberbe, sempre evviva!
Viva tûtti i secolæ,
Che taxiö per brevitæ,
Ché, se i voese nominâ,
Ghe vorrieiva ûnn-a giornâ;
Ma son tûtti noti assæ
Pe-a pietæ e per l'affezion
Che han per questa religion.
E ûn ätr’anno torna spëo
Che vegniemo tûtti a rëo
A gödî questa funzion
E a mangiâ a-i fratti ûn spallon,
Che Dio vêugge, scialla, evviva
A profana comitiva
Con a sacra sempre, evviva!
Viva sempre l’allegria,
Chi ha trincôu, chi se l’ha impïa!
Viva i fratti Cappûççin
Cö sò grande mecenate
Sciô marcheixe Pravexin!
Viva mi zeneize vate,
Do quæ, finn-a che son vivo,
Me protesto e sottoscrivo
